Ua faamanino mai e le NZ Qualifications Authority e lei toe tulai mai le faaletonu lea sa aafia ai suega a le fanau i le Aso Lulu i le taeao ae pe ā ma le 16 afe tamaiti aoga sa mafai ona login i le faiga lea ma sue ai suega online.
Sa popole foi faiaoga i le aofaiga tele o tamaiti aoga i le faaaogāina o le system ina ne’i tuai ai le system peitai e lei iai se faaletonu.
Fai mai faiaoga o le faitau selau o tamaiti aoga sa faia suega e faaaogā ai pepa suega ae o nisi tamaiti na motusia le sootaga ma le suega sa faia i upega tafailagi sa mafai ona toe faamae’a i le pepa suega.
Fai mai e faapea foi se tulaga na alia’e i le NCEA i le lua vaiaso talu ai a o faia le suega o le numera ma le tusitusi.
Na ta’ua e le sui ofisa sili o le NZQA, Jann Marshall o loo silasila nei le faalapotopotoga i le faamatuu o ni togi mo tamaiti sa aafia a latou suega ma e malamalama foi o se tulaga foi lea e mafatia ai se finagalo o se tagata.
