Ua tuuina mai se faamatalaga mai le loia sili e le’i solia e lē sa avea ma palemia o Ausetalia talu ai, Scott Morrison le tulafono e ala i lona tofia o ia lava ia i nisi o tofiga faaminisita e pei ona gugulu ai le atunuu ona e le’i faailoaina faalauaitele.  

I se lipoti lea ua faamatuu mai e le matagaluega o le palemia ma le kapeneta, Stephen Donahue ua faamanino ai e iai le malosiaga o le palemia sa iai i le taimi lea e faatino ai ia gaioiga ae o le lē faailoaina faalauaitele o lea tulaga o le itu lea e ao ona silasila iai ma faia iai ni suiga ia alofia ai le toe tulai mai o lea tulaga i le lumanai.  

Ua faailoa foi o loo silasila nei le palemia ua iai i le taimi nei i nisi o tulafono ia faamautu ai e lē toe tulai mai lea tulaga.