O le faatupuina o le ita ma le faailogalanu, o se tasi lea o soligatulafono o le a tuuina iai se faasalaga e ono oo atu i le 2 tausaga i le falepuipui, i lalo o tulafono fou ua faatulaga i le Palemene o Niu Sa Uelese i le asō.
Ua faailoa e le 9News o le faigamalo a le setete o Niu Sa Uelese ua gaioi nei ina ia avea ma soligatulafono le tulaga lea.
O se tasi lea o a latou tali atu i le tele o le mau osofa’iga ma faamata’u ua tula’i mai i totonu o Sini ma isi vaega o le atunuu e faatatau i tagata Isaraelu.
Fai mai le Loia Sili a le settee, Michael Daley o le ita i lanu, racial hatred e lē taliaina ma i lalo o lea tulafono fou o le solitulafono lea tulaga o le taumafai e faaosofia le ita i se tulaga faalaua’itele pe ita faamoemoe foi i ni ituaiga o tagata.
O faasalaga la ua faailoa e aofia ai le oo i le 2 tausaga e falepuipui ai se tagata e faamaonia i ia soligatulafono, a lē o lea e oo atu i le $11,000 le sala e totogi e se tagata e to’atasi poo le $55,000 pe afai o ni faalapotopotoga, corporations.
Puna o Faamatalaga: https://www.9news.com.au/national/nsw-politics-new-laws-to-punish-intentionally-inciting-racial-hatred-with-jail-time/e301dc06-72db-4385-84ab-8acdae492044
