Ua lipotia e le Newshub le lilifa o le faaiuga a le faamasinoga Supreme Court i le itu a se tamaitai na faalēaogāina lona tusifolau Niu Sila ona o tuua’iga o loo taumafai e faimalaga i Suria e auai ai i se kulupu faatupu faalavelave.
Fai mai o Aperila 2016 na taofia ai lē tumau e le sui minisita o mataupu faalotoifale i lea taimi, Judith Collins le tusifolau o le tamaitai lea mo le 10 aso a o saunia se lipoti e faatatau i le ono faalēaogāina atoa o ona pepa malaga.
O le minisita sa iai o lea matagaluega o Peter Dunne lea na ia faalēaogāina le tusifolau lea e pei ona lipotia ina ua lipotia e le NZ Security Intelligence Service o loo iai le fuafuaga a lea tamaitai e faimalaga i Suria e auai ai i le Islamic State of Irag and the Levant, peitai fai mai le Supreme Court i le mataupu lea, o le tamaitai o loo aofia na soifua ane i Saudi Arabia i le 1986 ae lei avea lava o se sitiseni o lea atunuu, o ona mātua o sitiseni Aikupito ma a o laitiiti sa faimalaga mai ai i tusifolau o ona mātua.
Na oo mai i Niu Sila i le 1998 ma avea ai lea tamaitai o se sitiseni o Niu Sila i le 2001.
O le iuga mai le faamasinoga e lē ogatasi ma le tulafono le faaiuga a le minisita e faalēaogā le tusifolau o le tamaitai ma e 30 afe le tupe e tatau ona toe totogi iai.
Puna o Faamatalaga: https://www.newshub.co.nz/home/new-zealand/2024/06/government-acted-unlawfully-by-cancelling-passport-of-woman-allegedly-attempting-travel-to-syria-to-join-isil-supreme-court.html
