Ua faamanino mai e le faletupe o le NAB e lē o se osofaiga i upega tafailagi poo se cyber attack na mafua ai ona faaletonu le latou auaunaga i le amataga mai o le vaiaso lea na aafia ai le faaaogāina o le initaneti ma telefoni feaveai (mobile and internet banking).

Fai mai le 7News ua mae’a foia le faaletonu i le mobile banking ma le internet foi ma ua faailoa o ni mafuaaga tau tekonolosi e mafua ai.

Ua faamalulu ai le faletupe i ana paaga ona o le faaletonu aemaise o masaloga o nisi ina ne’i aafia i se cyber attack ma lamatia ai faamaumauga o tagata.

O le fautuaga lava o le mataala ma ia fai pea ma siaki faamaumauga ia faamautinoa o loo saogalemu.

Puna o Faamatalaga: https://7news.com.au/sunrise/urgent-warning-for-nab-and-big-four-bank-customers-after-widespread-outage-c-15211412