O se sasi a le aufaigaluega i le Faalapotopotoga o le Faaputuga Tupe o le Lumanai Manuia o Tagata le NPF, na mafua ai ona tupu se faaletonu i tupe totogi o le penisione a tagata matutua mo le masina nei o Novema.
Ua faailoa lea tulaga e le ta’ita’ifono o le Komiti Faafoe o le NPF ma faailoa ai e le susuga Papalii Panoa Tavita Moala i se talanoaga ma le Talamua, o se sasi sa tatau ona silafia e le aufaigaluega a o le’i sainia le siaki e ave i le faletupe o le ANZ lea ua tapunia ai le teugatupe poo se account sa masani ona maua ai e le auaunaga tuma’oti a le Malo le Samoa Postal seleni e totogi ai le penisione.
Na faailoa e le ta’ita’ifono i lea auala o faasalalauga, o le faletupe o le Pasefika i Saute le BSP ua suia iai le teugatupe.
Na toe maua lava penisione a tagata matutua o loo tala i le vaega o auaunaga o meli ina ua faasa’o le faaletonu na tula’i mai.
Le ta’ita’ifono o le Komiti Faafoe o le NPF susuga Papalii Panota Tavita Moala i se talanoaga ma le Talamua.
