A o galue le malo e talanoa le redress scheme poo le fesoasoani o le a maua ai peimeni e i latou na sauāina a o i lalo o vaaiga a le malo i tausaga ua alu, e lē o mautinoa pe agavaa ai ma sui o kegi.
O le uma ai o le faatoesega aloa’ia a le malo i le Aso Lua o lea ua talanoa le Kapeneta poo ā faamanuiaga, e fia le aofai o le tupe, a o ai foi e agavaa.
Saunoa le minisita o loo gafa ma lenei mataupu Erica Stanford, e lē mafai ona ia tali mai ona o lea e le’i maua se faai’uga mautū i le taimi nei.
Tuu atu foi I le Palemia, Christopher Luxon o le tali lava e tasi.
O le fesiligia ai o le agavaa o kegi ua sau ai i le mae’a o iloiloga a le komisi na iloiloina lenei mataupu ma faailoa i le masina o Iulai, o lea na malosi le sootaga o kegi ma tagata na sauāina ma o lea foi na iai le puipuiga mai kegi mo i latou nei.
Puna o Faamatalaga: https://www.rnz.co.nz/news/political/533667/government-will-not-say-if-gang-members-to-be-excluded-from-abuse-in-care-compensation
