O Dame Cindy Kiro na faatauto ile aso e avea ma kovana sili o NIu Sila ise sauniga na faia ile Palemene ole atunuu ma o ia le uluai wahine Maoli ua umia lea tofiga. O le lona 22 ai lea o kovana sili a Niu Sila ma o le sui foi ole tupu tamaitai ile atunuu.
Lipotia na iai foi nisi I luma o le palemene na tetee faasaga I le faia o vavao ma tui puipui. I se saunoga a Dame Cindy na faia ile sauniga o le faatautoga na ia taua ai o le tofia o ia I lea tofiga o se avanoa taua mo ia mae talitonu o lona tupuaga maoli ma Peretania.
Fai mai le palemia Jacinda Adern o Dame Cindy e sau mai se soifuaga e galue malosi ma o se ata o soo se tagata Niu Sila. O leisi itu na faaalia e le kovana ole a agai iai se taumafaiga o le tupulaga talavou, o le a faalogologo I o latou manatu ma faamoemoega ma unaia ia ausia ia moemitiga. O Dame Patsy Reddy lea ua sui tulaga atu iai Dame Cindy Kiro.
