Fai mai ua silia ma le 50 tagata ua maliliu i Congo ona o se gasegase e lē o mailoa ae faapea se lipoti na mua’i aafia ai tamaiti e to’atolu sa aai i se pe’a vaeane le faafofoga i le tusa ma le lima vaiaso talu ai.

Fai mai o āuga o lea faama’i e aofia ai le fiva, faasuati ma afaina totoga, internal bleeding ma e maliliu lava i latou e aafia i totonu o le 48 itula.

Na saunoa ai le faatonu o le falema’i o Bikoro i lea itu o Congo, o le ituaiga fiva lea e vaaia i le faama’i lea e iai sootaga ma isi foi vairusi ua maliliu ai tagata muamua, e aofia ai le Ebola, Dengue ma le Marburg ma le Yellow Fever peitai ua faamaonia e le ausu’esu’e, e lē o faama’i ia o loo aafia ai ia tagata.

Na mafua mai le pepesi o lea faama’i mai le nuu o Boloko lea o loo lipotia ai tamaiti ia e to’atolu na aai i se pe’a ae maliliu ai i totonu o le 48 itula.

O loo faaauau su’esu’ega a foma’i i lenei faama’i.

O le tausaga na te’a nei na aafia ai foi Congo i se isi ituaiga gasegase e tai pei foi o le flu ma sa maliliu ai foi tagata i se isi faaitu o Congo ma sa faamautū ane e tai pei lava o le malaria.

Puna o Faamatalaga: https://www.google.com/amp/s/amp.cnn.com/cnn/2025/02/25/health/congo-mystery-illness