Ua aveese mai le Konesula o Niu Sila mai Los Angeles faapea lona aiga a o faatetele ai le mu.
O se faamaoniga mai le matagaluega o le va i fafo a Niu Sila o le maota o le konesula ma lona aiga o lea e i totonu o le sone o fale o lea ua faamalosia le tatau ona oese ona ua lē saogalemu.
Ua fai mai ai foi o loo saogalemu uma le aufaigaluega a le ofisa o le Konesula ma e ui ua tapunia le ofisa, ae o loo mafai lava ona faafesoota’i le ofisa o le Konesula i Los Angeles pe a moomia le fesoasoani.
E oo mai i le afiafi ananafi i le taimi na aumai ai lipoti mai le matagaluega, e lē o iai ni lipoti o le aafia o le soifua pe faamanu’alia ni tagatānuu Niu Sila ona o le mu o loo iai nei.
Ua sau ai ma le talosaga mai le matagaluega i tagata Niu Sila uma o loo i Los Angeles ma e le’i lesitala foi i le SafeTravel, e aga’i e lesitala faigamalaga i luga o le SafeTravel mo le faafaigofie ona tuliloa.
Puna o Faamatalaga: LA fires: NZ consul-general evacuated, footballer’s neighbourhood ‘gone’
