Ua iai fuafuaga a le matagaluega o falepuipui e ave le 75 pagota i le toese i Rimutaka ona o le toagaogao o le aufaigaluega.
O le utiuti o le au galulue ua aafia ai polokalame toe fuataina mo pagota o loo tuli faasalaga, laitiiti le taimi e o ai i fafo ma sela toe aafia ai ma asiasiga.
Ua faia ai ma le tonu o le a aveesea nisi mai toese i Spring Hill i Waikato faapea isi mai le toese i Mt Eden i Aukilani ae auina atu i Upper Hutt.
O Rimutaka o lea e na o le 615 i latou o loo tuli ai faasalaga, ma o loo tele le avanoa pe a faatusa i le 1,100 sa iai i le 2018.
A o faia ai lea fesuiaiga, o lea foi ua faatalosaga atu le 1,400 mo avanoa faigaluega e pei ona faamauina i totonu o le tolu masina ua alu.
