O loo auaufaatasi le vaega faaupufai a le Leipa e tuuina le lagolago ma le faamalosi’au mo se tasi o o latou faipule, Lemauga Lydia Sosene mai le itumalo o Magele, ua faailoa le aafia i le kanesa o le susu ma o le a ave ona livi mai le Palemene e amata atu i le vaiaso fou.
O se pepa o faamatalaga mai le Leipa ua ta’ua ai o le a faia se taotoga o le tamaitai faipule ma faaauau ai ona livi mai le galuega.
Sa faailoa e le ta’ita’i o le vaega faaupufai i lea faamatalaga ua mae’a faatalanoa ma le faipule sana faamatalaga e faamalosi ai i tamaitai ma sa ia saunoa e unaia soo se tamaitai e faia siaki ona e lē iloa lava le aafia i lea foi gasegase.
O le toesea ai la o Lemauga o le a see ane ai Jan Tinetti e avea ma sooupu o le vaega faaupufai i mataupu faalotoifale ae o Carmel Sepuloni o le a feagai ma le matafaioi i le matagaluega o tagata Pasefika, galuega ma isi.
Puna o Faamatalaga: https://www.stuff.co.nz/politics/350414448/labour-mp-lemauga-lydia-sosene-diagnosed-breast-cancer
