O le tamā na maliu lona atalii i le faalavelave na lavea ai le pasi i Hunter Valley ua amata nei ana feutana’iga e faatatau i le tuuina atu o se tagi i le faamasinoga faasaga i le Transport for NSW.
O le masina o Iuni o le tausaga talu ai na tupu ai le faalavelve ma maliliu ai tagata e to’a 10 ae manunu’a ai le to’a 25 ina ua lavea le pasi na ave ane ai nisi sa iai i se faaipoipoga sa faia i Singleton.
O le avepasi, Brett Andrew Button na lauina lona i’uga i le vaiaso nei e 32 tausaga e falepuipui ai ma e tatau ona tuli le 24 tausaga faato’ā agavaa i le palola.
Peitai fai mai le tamā o lē ua maliu, Adam Bray o le mataupu ua i luma o le faamasinoga o le tagi fai faatasi, faasaga i le Trasnport for NSW ona o le lē lelei o le siomaga, o se tasi lea o mafuaaga tele na lavea ai le pasi aemaise le leai o ni faailo ma ni lapata’iga i le vaega tonu na tupu ai le faalavelave.
E lei iai se tali a le Transport for NSW i lea mataupu.
Puna o Faamatalaga: https://www.abc.net.au/news/2024-09-12/adam-bray-class-action-supreme-court-bus-safety/104341188
