Uma le solo tetee ae toso ai e leoleo le toafā ananafi.
O solo tetee nei o loo faatalosagaina ai le faamuta ia o le taua i le va o Isaraelu ma le Hamas, peitai o lea na poloka ai e nisi o le au solo tetee le ana (tunnel) i le aoauli ananafi i le uafu i Lyttelton i Kalaiesetete.
E lē gata i lea e iai nisi o vai na o latou sasaaina i luga o le auala tele ma e tuufaatasia tala fou o loo vaavaai pea iai leoleo i le ono molia.
Lipoti mai leoleo e tusa ma le 60 i latou na auai i le tetee.
Ae mai le Palestine Solidarity Network o loo latou tuuaia leoleo i le soona faia faamalosi o tagata tetee ma ua latou faatalosagaina ai le tatau ona faia o se suesuega faasaga i leoleo ma le faatautaia o a latou galuega.
O le toafā na ave e leoleo, o lea na toe tatala i tua le toatolu i le afiafi lava ananafi.
