Na ave e leoleo le tinā ua tuua’ia o lea na ia tatuiina (tulou) se tamā a o iai i le mall i Aukilani.
E tusa o le itula e 2 i le aoauli ananafi i le mall faatau i Glenfield i North Shore lea na tupu ai, ma e faapea o se feeseesea’iga i le va o i la’ua nei na i’u ai loa ina faaoomanu’a lē o loo faatali ona moliaga i le tamā ua faamanu’alia.
O le aao o le tamā lea e faapea na faamanu’alia ai, ma i lipoti mai leoleo o lea na toe sola le tinā mai lea nofoaga i le uma ai ona tupu.
Na tali atu leoleo ua faaa’upegaina i le mataupu lenei, ma na toe maua lava le tinā i totonu o se tasi o faleoloa o le mall ma ave ai loa e leoleo ma o loo taofia pea nei.
Ua lipotia o le tinā ua ave e leoleo ma lē ua faamanu’alia, e iloa e le tasi le isi.
Puna o Faamatalaga: Armed police swarm Glenfield Mall: Woman arrested after man stabbed during altercation – NZ Herald
