Ua maua nei ni vaamaulu e 6 ua faatutumu mai i cocaine i le su’esu’ega faavaomalo e ta’ita’ia e le ausu’esu’e mai Colombia, ma o se vaega o se su’esu’ega tele aga’i i fualaau faasāina.
O le su’esu’ega e aofia ai atunuu e 62 ma ua maua iai le silia ma le 1400 tone o fualaau faasāina aemaise lava le mariuana, mai le aso 1 o Oketopa aga’i i le 14 o Novema.
Na maua iai ma le 225 tone o le cocaine.
Ana fai e taunuu lea uta tele i Ausetalia semanū e maua ai se vaegatupe pe $1.5 piliona.
Fai mai sa taofia ia vaa i ogasami o le Pasefika ma o loo lava lona penisini e oo ai i Ausetalia ma o le tolu ai lea o vaa faapea ua taofia i le ālavaa lava lea.
E lē o fia faia se faamatalaga a leoleo Ausetalia mo le taimi nei i le mataupu ae sa latou faailoa i se taimi e le’i mamao atu ua faatupula’ia le aga’i mai o faalapotopotoga faavaomalo e faatauina fualaau faasāina e taula’i mai faatauga i Ausetalia ma e lē o le ulua’i taimi lea ua maua ai ia uta.
Puna o Faamatalaga: https://www.9news.com.au/national/narco-sub-bound-for-australia-seized-in-massive-international-operation-that-netted-1400-metric-tons-of-drugs/9d330140-76a0-4cb2-9e1b-4b18245b3519
