O nisi o totino iloga o le pasefika i taaloga ua auau faatasi nei e lagolagoina le unaia o tagata talavou o le pasefika ina ia tumau i taaloga ma faia tuipuipui ina ia toe fo’i ai ile malae i le tau mafanafana. Na valaaulia le au faasalalau male mamalu ole atunuu ile faamoemoe lea na faataunuuina ile aso.
O alii iloga i taaloga e pei o Namulauulu Alama Ieremia, Lemalu Semo Sititi, Roger Tuivasa Sheck, le alii fusu o Tooletai David Tua faatasi ai male tamaitai taalo, sa faiaoga foi o le au netipolo a samoa, Linda Vagana, ma le tamaitai sa avea ma kapeteni o le Kiwi Ferns ma o loo aveanei mafaaulu ole Lakapi Liki a Tamaitai i NIu Sila. Luisa Avaiki Tavesivesi.
O loo galulue faatasi lenei kulupu ma le Bader Drive Doctors ina ia faaoo atu le taumafaiga ia I latou e tai 12-34 tausaga le matutua e taumafai ai e unaia I latou ia tumau pea ile taaloga ma faia tui puipui.
Stay in the game and get vaccinated. O loo taua mai o se faamoemoe na toatele na auai atu iai ile Mangere East Hawks Rugby league club na faia ai e pei ona faailoa ile pepa o faamatalaga mai le Auckland District Health Board.
