Ua lipotia le iai o se lafo o le lē faatuatuaina ua faia faasaga i le Palemia o le Atu Solomona o Jeremiah Manele ma ua faauluina lea lafo aga’i i le Fofoga Fetalai o le Palemene a lea atunuu.

O le lafo ua faatūina atu e le Faipule mai Honiara, o Gordon Darcy Lilo ma ua iai lipoti e faapea e iai minisita o le Kapeneta ua aga’i ese mai le Palemia ma ua faia talanoaga ma le Itu Agai.

O le lē lava o le aofa’i o sui auai o le Palemene e tatau ai ona faataunuu le fonotaga, na mafua ai ona toe tolopo le fono i le asō ae faailoa ai foi ma le faamavaega a le Sui Palemia o le atunuu o Bradley Tovosia.

Ua faailoa o le vaiaso fou i le Aso Lua e tatau ai ona tagofia le mataupu lea i le Palemene.

Ta’ua e le leitio faasalalau a Niu Sila o le masina foi o Tesema o le tausaga talu ai na faatū ai e le faipule lava lea o Lilo se isi foi lafo o le lē faatuatuaina faasaga lava i le Palemia, peita’i e le’i lava se ‘aulagolago ma toe ave ai i tua le lafo, ae o lea la e foliga o le a faaoo lava ona talanoaina i le Palemene i le vaiaso fou.

Puna o Faamatalaga: https://www.rnz.co.nz/international/pacific-news/559298/motion-of-no-confidence-filed-against-solomon-islands-pm-jeremiah-manele