Fai mai na faalele ane e Saina nisi o ana vaaleletau faataamilo i Taiwan a o faia ana faata’ita’iga faamiliteli ma ua faitioina e Taiwan lea gaioiga, fai mai a latou o se faaosoosoga ua faia e aunoa ma ni mafuaaga tatau.
Fai mai le matagaluega o le puipuiga a Taiwan pe ā ma le 153 vaaleletau ia a Saina na mata’itūina i luga o Taiwan i totonu o se piliota e 25 itula i le Aso Gafua ma le Aso Lua o le vaiaso nei.
O le tali atu la a Taiwan i ia gaioiga a Saina ua faailoa ai ua mae’a faatonuina ana foi vaalele faapea vaa a le Navy ma auaunaga tau le gataifale ina ia mata’itū lea tulaga.
Saunoa le Peresetene fou o Taiwan o lo latou atunuu e lē o se vaega o Saina ma e leai foi se aiātatau a Saina e fai ai fua ma sui o Taiwan.
O le patī Kominisi a Saina o lo latou manatu o Taiwan o se vaega o Saina ma ua leva ona o latou finau ua tatau ona tuufaatasi atu Taiwan ma eleele o Saina ma faaaogā foi le malosiaga pe afai e mana’omia.
O finagalo faaalia o nisi o loo mata’itūina lenei fesaga’iga ua ta’ua ai ua fai si mata’utia o faata’ita’iga a Saina i le vaiaso nei.
Puna o Faamatalaga: https://edition.cnn.com/2024/10/14/asia/china-military-drills-taiwan-intl-hnk/index.html
