O le asiasi atu ai o le afioga i le Tama Aiga ia Tuiatua Tupua Tamasese Efi i le Vaega Faaupufai a le Faatuatua I le Atua Samoa ua Tasi, le FAST I le taeao analeila na ia ave ai foi upu faamalosiau i le taitai o lea vaega faaupufai ao feagai ai Samoa ma le tau sailia o sona faigamalo.

O le auala o le auai atu o Tuiatua i le FAST ona o le faamanatuina o le 64 tausaga o le afioga ia Fiame Naomi Mataafa.

I le saunoaga a Tuiatua na ia taua ai

“ e lē lafo esea le la foi itu (HRPP) auā o lae foi e taumafai i latou,  ua leva ona iai I le Mālō, poo ua 40 tausaga pe a”

Na ia fautua ai foi I le Vaega faaupufai a le FAST

 “o le power o le mea faaleaga tagata, malilie foi la, a umi foi lo outou nonofo ai i le power masalo e faapena foi pe oo ai outou, ae e aoga le mea lea ua outou silasila iai e faapena ona faatonutonu folau, ma faapea ona faasino ala i le tōfā ma le tou faautaga.”

Taua e Tuiatua ua manino lava i gaioiga a le taitai o le FAST lona lava tapena i soo se galuega o loo faatali mai pe a maea faamasinoga o loo faatautaia nei i le mataupu faasaga I le faigapalota a le atunuu.