E to’alua nai tamaiti o loo aofia i tagata e to’aono na ave i le falema’i ina ua lavevea i se taavale i Abermain e lata i Cessnock i le taeaopo o le aso ananafi.
Fai mai leoleo o le avetaavale e 18 tausaga na lē mafai ona ia taofiofi le taavale ma soso’a atu ai isi taavale e lua sa paka i lea faaitu, ma sa ave foi le avetaavale lea i le falema’i ma o loo i lalo o le vaaiga a leoleo.
O tagata e to’aono na lavevea sa iai i le vaega tonu na tupu ai le faalavelave a o faataamilomilo solo le taavale a le alii lea i le vaveao ananafi.
O le teineitiiti e 8 tausaga o loo taofia pea i le falema’i ma le isi teineitiiti e 10 tausaga e manu’a mitimiti.
Ua ta’ua i nisi lipoti o le magāala lea e masani ona faatasitasi ai avetaavale talavou ma faatino faaaliga o a latou taavale ma sa iai foi mea faapea na tutupu ai muamua.
O loo faaauau le su’esu’ega.
Puna o Faamatalaga: https://www.google.com/amp/s/amp.abc.net.au/article/104942486
