E lē na o se toatasi na ave atu i le falemai i le faalavelave ua lipotia mai Melepone i le taeao analeila, na mu ai se fale i le itu i Saute i Sisifo o Melepone.

Fai mai a o lei tāina le 7 i le taeao ae ua valaau ane le fesoasoani faavavave i le fale lea e fogafalelua ona ua malosi le sasao ane a le afi.

E toalima tagata na aveesea mai ai ma o le toatele ua mānavaina le asu ma iai nai manu’aga.

Na togafitia e paramedics se tamaitiiti i lea nofoaga ma faavave atu i le falemai o tamaiti.

Fai mai le 9News o se alii pe ā ma le 60 tausaga ma ni tamaiti se toatolu na ave foi i le falemai ma e lei tāina le 8 i le taeao ae ua mae’a tapēina se vaega tele o le afi, ma ua faaleagaina le tele o vaega o le fale lea i Point Cook e tusa lea ma le 22km i le itu i Saute i Sisifo o Melepone.

O loo faagasolo le suesuega.

Puna o Faamatalaga: https://www.9news.com.au/national/point-cook-multiple-injured-after-house-fire-in-melbournes-southwest/263a33a0-c82f-4ec1-9616-16a7d3159144