O le a a’oa’oina le aufaigaluega a le Plunket e faia tuipuipui i nofoaga o loo mana’omia ai nisi a o faasaga ai le Malo e una’ia le faato’ateleina o tamaiti e faia tuipuipui.
I se pepa o faamatalaga e pei ona faailoa i le vaiaso nei e le Minisita o le Soifua Mālōlōina, Dr Shane Reti ma le minisita lagolago, Casey Costello ua faailoa ai e $1 miliona o le a inivesi i lea polokalame.
Fai mai o le a galulue faatasi ai le Health NZ ma le Whanau Awhina Plunket ina ia a’oa’oina le aufaigaluega ma faatulaga auaunaga tau tuipuipui i nofoaga e 27 i le atunuu.
Na faailoa e Reti o lenei fuafuaga o se vaega o taumafaiga a le Malo ia faamautinoa e ausia le 95 pasene o tamaiti e ta’i 2 tausaga ua faia tuipuipui.
Fai mai le minisita lagolago, Costello i le lipoti lea, o le taumafaiga o le a faia o le a mafai ai ona kiliva e le Plunket tuipuipui e galulue faatasi ai ma clinics ma e ono faasolo foi i aiga e pei ona masani ai le auaunaga lea e galulue faatasi ma ana paaga e aofia ai le Hauora Maori, auaunaga tau le Pasefika faapea foi faletalavai e faafaigofie ai mo nai mātua ona faia tuipuipui o a latou fanau.
Puna o Faamatalaga: https://www.1news.co.nz/2024/10/09/plunket-staff-to-be-trained-as-vaccinators-to-increase-immunisations/
