Na faaleaogaina i le po anapo faatalanoaga poo appointments sa faia a nisi i le ofisa o Amerika i Colombia ina ua aliae o vevesi i le mataupu e faatatau i faigamalaga na toe tipoti atu ai tagata Colombia mai Amerika.
Fai mai lipoti lata mai e toatele tagata Colombia na taunuu ane i le ofisa lea o Amerika i Bogota i Colombia lava ma tuuina iai e le aufaigaluega ni tusi ua taua ai ua faaleaogaina a latou appointments sa faia mo le talosagaina o ni visa mo Amerika mafua mai i le mataupu e pei ona tulai mai i le taimi nei.
O le tulaga o loo iai o tagata Colombia e manaomia le iai o se visa e faimalaga ai i Amerika mo tafaoga, pisinisi ma isi mafuaaga. Taua e molimau mai Colombia ua le mautonu le tele o mea ae o le itu e faanoanoa atili ai ona o le mamao o nofoaga na malaga atu ai isi tagata mo a latou faatalanoaga ae taunuu atu faafeiloai mai e le tala faanoanoa.
O le faamatalaga i le taimi nei, o le a taofia pea le toe tuuina ane o visa mo tagata Colombia sei vagana ua toe faataga mai malaga ia o tagata tipoti atu.
Puna o Faamatalaga: https://www.9news.com.au/world/us-visa-applications-cancelled-in-colombia-after-deportee-fight/685da70c-e166-48ac-bc1c-8cbed597492d
