O lea ua amata i le vaiaso nei le tetee a puleaoga o aoga tulagalua lea e leai ai ni galuega i tua atu o itula faigaluega masani.
E lua masina lea o le a faia ai e puleaoga le tetee o loo latou taofia ai soo se galuega mai le matagaluega o aoga faatasi ai ma le toe faia o ni galuega i tua atu o le 8 i le taeao i le itula e 5 i le afiafi.
I se faamatalaga mai le Iuni, e le o faigofie peitai o lea lava ua oo iai ona o le leai o se taunuuga lelei ua oo iai le finauga o totogi.
O le lē toe faia o galuega mai le matagaluega o loo aofia ai le fesoasoani e toe iloilo le taiala poo le curriculum mo aoga, ma e faapea e le o iai se aafiaga i mātua ma fanau.
E ese mai puleaoga o aoga tulagalua, o lea foi ua tapena faiaoga o kolisi maualuluga ia latou tetee lea e faia auauai.
