Fai mai o lea ua amata totogi atu e le McDonalds holiday pay o loo aitalafu ai i le faitau afe o ana tagata faigaluega i le toeitiiti 5 tausaga talu ai sa o latou malilie ai e faatino lea tulaga.
O lipoti a le RNZ ua ta’ua ai o Novema 2019 na folafola ai e le Unite Union ua taunuu i se maliega ma le fale’aiga e toe totogi uma ane le aufaigaluega i o latou totogi sa lei maua.
O le McDonalds le isi kamupani na aafia ai i le faaletonu lea sa tulai mai i lea vaitau na sese ai le faitauina poo le calculate o holiday pay o le aufaigaluega.
Ua faailoa la i le lipoti i le asō o le aufaigaluega sa iai muamua i le vaitau lea 2009-2019 faapea i latou o loo faigaluega i le taimi nei ua fautuaina ia agai i le upega tafailagi e siaki ai a latou peimeni.
I le taimi o le maliega lea ua faailoa ai e le Unite pe ā ma le 60 afe le aufaigaluega a le McDonalds na aofia ai ma e lē taumate e faitau miliona tupe o le a faaaluina i le toe faia o ia totogi.
Puna o Faamatalaga: https://www.rnz.co.nz/news/business/524397/mcdonald-s-begins-paying-out-60-000-staff-after-payroll-botch-up
