O le faaitu o Nelson le ulua’i nofoaga i Niu Sila o le a aoina mai a latou plastics mai fafo ane o o latou fale e amata atu i le asō i se faata’ita’iga o lea fuafuaga e oo atu i le afe aiga o loo auai ai.
O le Enviro NZ o le a o latou aoina mai taga lanumoli ia mai aiga o loo aofia i le faata’ita’iga mai magāala pe ā ma le 140 i le faaitu lava lea, ona aveina atu lea i le kamupani a le Future Post i Blenheim e toe faaaogā ai pe recycle.
Fai mai le pulenuu o Nelson i le One News, e sili atu le faiga lea nai lo le tau momolil e tagata o plastics i bins o loo i faleoloa.
O loo faagaioia le faata’ita’iga e le The Packaging Forum lea latou te faatautaia le Plastic Recycling Scheme i le atunuu atoa ma ua o latou ta’ua o plastics ia o le a toe faaaogā e gaosia ai pou o pa mo togavine ma faato’aga faapea foi ma togalaau.
O isi aiga i Nelson e lē o aofia i le faata’ita’iga o loo fautuaina e faaaogā pea kalone poo bins i faleolo e pei o le Woolworths, New World ma le The Warehouse.
Puna o Faamatalaga: https://www.1news.co.nz/2024/10/03/kerbside-soft-plastic-collection-trial-starts-today-in-nelson/
