Ua maua mai foi nisi lipoti lata mai e faatatau i le auso teine lea na maua ua maliliu i le fale na aumau ai i Sini nei lava. E le’i leva atu nei ona lipotia atu i talafou le auso teine lea o Asra Abdllah Alsehli 24 tausaga ma lona uso o Amaal na maua atu i lo la apartment ua maliliu ae talitonu leoleo e maua ua silia ma le masina talu ona maliliu.
O le aso la ua faailoa i lipoti a le ausu’esu’e e foliga o le auso sa saili fesoasoani mai i Ausetalia, asylum seekers ma sa teena a la talosaga mo ni visa tau le puipuiga mo laua e pei ona ta’ua i le Australian.
O loo ta’ua foi i se isi lipoti o le isi o le auso lea na sola mai se faaipoipoga na faamalosi ona faia. O molimau a nisi sa talanoa ma le auso lea i se taimi e le’i mamao atu na ta’ua ai e lē tele ni faamatalaga na faamatala ane ia i latou na pau le itu na ta’ua o i laua e omai mai Saudi Arabia.
Ta’ua foi i le lipoti lea sa iai le popolega o le auso o loo iai se tagata su’esu’e o loo taumulimuli ia i laua ma o loo faaauau pea su’esu’ega.
