O le a faasafua ma agavaa tagata Niu Sila i le rapid antigen test
I le taimi nei o lea e le o mafai ona agavaa ai tagata ua uma tui i siaki nei peitai i suiga na faalauiloa mai e le palemia Jacinda Ardern ananafi ua faamautinoa mai ai ua ioe le kapeneta e faaaoga aua tapenaga o le Omicron
E 4.5 miliona rapid antigen tests o loo iai nei i totonu o Niu Sila ma e faitau miliona isi lea ua toe oka
I le taimi nei o le test ua taua o le PCR lea o loo ave pea iai le faamuamua a le malo, lea e oo atu i le 40,000 siaki e mafai ona faia i totonu o le aso
O le tupe foi o loo totogi e tagata ua uma tui i le taimi nei e faia ai rapid antigen test, o lea foi ua sui ma o le a faia fua mo tagata o le komiuniti
O le vaiaso fou e toe faalautele mai ai e le malo pe faafefea ona faasoa mai i tua nei tests
