Ua iai foi se isi afā ua feta’ua’ina mai mo le Northern Territory ma Kuiniselani.
Na ta’ua e le vaaitau o le afā o Megan ua faatulaga i le vaega tolu, category 3 ma fuafua e taunuu i le faaitu o Borroloola i le Northern Territory nanei poo le taeao a taeao.
O le afā na amata faatupulaia ane i le aoauli o le Aso Toonai i le Gulf of Carpentaria.
O matagi to faata’uta’u e oo atu le malolosi i le 110km i le itula ua faamauina ma e ono siitia atu i le 200km i le itula e pei ona faailoa e le vaaitau.
Ua lapataia foi le iai o timuga e mamafa i nisi taimi ma ono oo atu i le 200mm le suavai timu.
