Ua faatalosaga e leoleo le taofia lē tumau o laisene e faatau ai ava malosi a supamaketi a le New World i le South Island ona o le faaauau pea ona soli o aiaiga o loo faamatuu atu ai laisene nei.
O le asō o loo faaauau ai iloiloga o lenei mataupu i luma o le Faamasinoga Faaitumalo i Kalaiesetete lea ua faatalosagaina ai e leoleo le Alcohol Regulatory and Licensing Authority ina ia taofia lē tumau laisene o loo umia nei e supamaketi e 35 a le New World, ma o le tele o supamaketi o loo i le South Island.
O le talosaga a leoleo o loo faavae lea i luga o faasalalauga faapisinisi e faatatau i le faatauina o ava malosi, lea e faapea e solitulafono.
E uma iloiloga ananafi o loo fesiligia pea sui o supamaketi a le New World i tau pa’ū na o latou faatauina ma faalauiloa ai le DB Export Beer.
O aiaiga o faalauiloa o ava malosi e faia i totonu o le faleoloa ma luga online lea ua tuua’ia ai supamaketi a le New World ua ia lē usitaia.
Puna o Faamatalaga: Police seek to suspend most South Island New World liquor licences (1news.co.nz)
