Ua fautuaina tagata Ausetalia ia silasila toto’a ma mataala i nisi o faiga taufaavalea ua amata ona alia’e mai e aofia ai faaputugatupe o le Super.
O le Aware Super ua o latou faailo ua vaaia le siitia i le 208 pasene o faiga taufaavalea i totonu o le ono masina talu ai, ma ua unaia ai le 1.1 miliona o ana paaga ina ia mataala ma ia puipuia lelei lo latou lumanai.
Fai mai le Pulega a le Aware Super o le taimi nei o vaega poo kulupu solitulafono ia faavaomalo ua agai a latou taumafaiga i le superannuation ma e mafai ona aafia ai soo se tasi.
O tagata matutua ua ta’ua e aupito telē le avanoa e aafia ai i nei faiga taufaavalea.
Ma o le fautuaga ia faatumauina le fesootaiga ma le kamupani o loo iai lau super ma fai pea ma siaki ma iloa le aofaiga o lau seleni o loo iai.
