O le Minisita o le Va i Fafo a Ausetalia o Penny Wong o le a feiloai ma le Palemia o Fiti i le aso a taeao ma ua ia faailo mai le fuafuaga a le Leipa ina ia toe faamautu le tulaga faaupufai o malo a Ausetalia i le Pasefika. Ua faailoa i le asō o le tali a Ausetalia i le unai pea a Saina i le Pasefika mo atunuu e 10 ina ia sainia se maliega tau le puipuiga fou e pei ona agiga i lipoti i le asō.
O le a malaga atu Wong i Fiti e feiloai ma le Palemia o Fiti Frank Bainimarama ae ua aga atu foi le Minisita o le Va i Fafo a Saina o Wang Yi e asia nisi o atumotu o le Pasefika. Ua tulai uma mai nei tulaga i le mae’a o le agiga o lipoti ua faailoa ai le mananao o Saina e ioeina tulaga e pei o le puipuiga agai i faigafaiva.
Fai mai le lipoti ua mata’itu nei e le to’atele o tagata le mataupu lea poo le ā se taunuuga aemaise e foliga o lea ua agai ane Ausetalia i le isi itu e faamautu maliega ma isi atunuu o le Pasefika ae o loo taamilo atu foi Saina latou ia i isi atumotu e pei ona ta’ua e aofia ai ma Samoa.
