Ua faaleaogaina uma faigamalaga na fuafua e saoloto le taunuu mai a le Ea Niu Sila
O le maea sau o le faasilasilaga mai le malo ua le taunuu le aso 17 o Ianuari na ta’u e amata ai feoaiga saoloto mo pasese mai Ausetalia, na toe faaleaogaina uma ai faigamalaga e tusa ma le 120 a le kamupani mai lava le aso 17 o Ianuari seia oo I le aso 28 o Fepuari
O faigamalaga foi faamoemoe e omai faanofoesea ua faatapulaa foi le fuainumera, ma ua faamautinoa mai ai ua toe faafoi nei I le tatau ona mautinoa ua iai le potu I nofoaga faanofoesea faatoa mafai ona book le avanoa mo faigamalaga a vaalele
O pasese aafia I le suiga ua iai ua fautuaina e tagai ane I luga o upega tafailagi mo nisi faamatalaga, ma o loo faatumauina pea le mafai e suia ai faigamalaga e aunoa ma se totogi
Mai le Ea Niu Sila o le tele o faigamalaga toe sui o le va lea o Ausetalia ma Niu Sila ma e tusa ma le 27,000 pasese aafia
