E 4.2 miliona tala Ausetalia ua faamatuu mai nei e le Malo o Ausetalia mo le atina’ae o le taaloga lakapi i le Pasefika e aofia ai ma Samoa. Ta’ua i ripoti, o se avanoa lelei lea mo Samoa e siitia ai le tulaga o le faatino ai o le taaloga lakapi i totonu o le atunuu. Faamauina o se avanoa mo tamaitai e faalauaitele ai lo latou tomai i le taaloga, ae maise o le siitia o le numera o tamaitai e iai le fiafiaga e auai ma taaalo i le taaloga.
Ta’ua e le Faiaoga o le ‘au a le Manusina XV, “o le maua ai o lenei fesoasoani mo le Pasefika o le a faatupulaia ai le numera o tamaitai e saofagā atu e taaalo ma tausinio i taaloga faavaomalo ma le tele o faamanuiaga e taulimaina e tamaitai. E 4 tausaga o le a faatino ai lenei polokalame.
O lenei polokalame ua mafai ona faatino tauala mai i le faigapaaga a le malo o Ausetalia ma le Rugby Australia tauala mai le PacificAus Sports.
