Ua faamauina nei se isi matati’a i tomai a’oa’oina o le matātā inisinia ma le aveina o taavale e ola i le eletise ina ua faauu le 31 o tagata ua maua tusipasi e agavaa ai ona latou a’oa’o atu ia tomai tau matātā eseese.
O i latou ua maua tusipasi o faia’oga o le matātā tau inisinia, ma nisi o avetaavale mai a’oga o matātā eseese i le Iunivesite Aoao a Samoa, o le a’oga o matātā eseese le Laumua o Puna’oa i Faleula, ma le a’oga o matātā eseese o le Don Bosco i Alafua.
O i latou ia o le a latou a’oa’oina alo ma fanau o a’o’oga i ia a’oga o matātā eseese i le tomai o le faaleleia o afi o taavale e ola i le eletise.
O le tasi lea o vaega o le polokalame ua autū i se siosiomaga lanulauava e faaitiitia ai kasa kaponi mai feoa’iga i le laueleele ma le sami e pua’ina atu ma faaleagaina ai le osone.
Ua ogatasi lea polokalame ma le faataatia ai o le ta’iala e lima ta’ita’iina ai lea taumafaiga, e pei ona sa faailoa i se sauniga i le Aso Lua o le vaiaso nei, e le Minisita o Galuega tetele a le malo.
Le tofa Olo Fiti Afoa Vaai o le minisita o Galuega Tetele ma Fela’ua’iga.
