I le tausaga e 2003 na amata ai ona faagaioi e le aiga o Aggie Grey le faletalimalo o le Sheraton Samoa Beach Resort i Mulifanua, o se atina’e sa maualuga lona tulaga lelei mo malo taualoa ma tulisi e afea ma nonofo ai.
Peitai sa fetaia’i ma lu’itau faigata ina ua aafia le lalolagi i le faama’i koviti, ma aafia ai ana tupe maua.
O lea ua toe tatala le faletalimalo o se tasi o nofoaga mo le fono a ta’ita’i o Malo o le Taupulega e pei ona faatulaga o le a faia ai le mafutaga a faauluuluga o malo e 56 poo le Retreat.
O le Minisita o Tagata Tafafao o le ta’ita’i foi o le Malo na saunoa i le sauniga na faamauina ai le toe tatala o auaunaga a le Sheraton Samoa Beach Resort na faatupe lona toe faaleleia i le tau e 26 tesimale 8 miliona tala.
O se seleni o loo iai ma le sao o le faalapotopotoga o le faaputugatupe mo le lumana’i manuia o tagata le NPF.
Le afioga Fiame Dr Naomi Mataafa o le Minisita o tagata tafafao ma o le Palemia o le atunuu.
