Vevela le tau i le tele o vaega o Ausetalia, fautuaina tagata ia faaeteete
E oo i le 40 tikeri le vevela o nisi o vaega o Sini i le asō e pei ona fautuaina mai e le vaaitau. Ua tuuina mai ai ma lapata’iga mai le vaaitau e faaeteete ai tagata i le vevela o le a iai le asō aemaise i le faaitu i Sasae o Sini […]
Molia se alii 33 tausaga i le taumafai e susunu se malumalu tapua’i i Newtown
E iai le alii lea ua molia i le taumafai e susunu le malumalu tapua’i i Newtown i Sini i le amataga o le masina nei. Ua pu’e e leoleo lea alii e 33 tausaga le matua i le mae’a o a latou sa’ilig a na faia i faaitu o Pyrmont Bridge Rd ma Camperdown. […]
Su’e e leoleo le autietie i tua o trains ma trams i Sini
O se tasi o mataupu ua alia’e i lenei vaitau ma o loo mata’itū foi e leoleo, o le faatupula’ia lea o le aofa’i o tupulaga talavou e pu’eina ona o le tietie i tua o trains ma trams lea e faaigoa i le faaperetania, buffer riding. Fai mai le 7News e to’atolu talavou na […]
Fofogaina le mataupu a le Faigamalo a Niu Sa Uelese ma Iuni o Fela’ua’iga i le Fair Work Commission
O le faigamalo a Niu Sa Uelese ma Iuni o tagata faigaluega i auaunaga tau fela’ua’iga, rail unions o le a fofogaina a latou mataupu i le Fair Work Commission i le vaiaso nei. I nai masina ua tuana’i atu sa faatino ai e le iuni nisi o sā i le faiga o galuega ina […]
Galulue faatasi le Palemia ma ta’ita’i o setete ma teritori o Ausetalia e faamuta osofa’iga faia faasaga i tagata Isaraelu
Ua galulue nei leoleo a Ausetalia e su’esu’e gaioiga ma osofa’iga faasaga i tagata Isaraelu o loo tula’i mai i le taimi nei ma o loo su’esu’e ai foi pe faamaonia faamatalaga o ia ituaiga osofa’iga o loo faatupe mai e nisi mai fafo atu o Ausetalia, o loo latou totogi tagata solitulafono i Ausetalia […]
ATU KUKI: Lē lava leoleo i le Atu Kuki, maualalo tele totogi le isi mafua’aga
Fai mai pe ā ma le 40 o loo itiiti ai le numera o tagata faigaluega i le ofisa o leoleo a le Atu Kuki ma ua lipotia o le itiiti o totogi le isi mafua’aga. O le totogi amata o ia avanoa ua ta’ua o loo i le totogi aupito maualalo e $9.50 sene […]
TONGA: Tofia aloa’ia le Palemia o Tonga, Aisake Eke.
Ua aloa’ia nei le filifilia o le Palemia o Tonga o Aisake Eke e le tupu o Tonga, Tupou VI. O Aisake sa manumālō i le faigapalota faalilolilo sa faia i le aso 24 o Tesema ina ua faamavae le Palemia sa iai o le atunuu Siaosi Sovaleni Haukavameiliku. E iai nisi faamatalaga salatua sa […]
TURKEY: To’atele ua maliliu ma manunu’a ina ua mu se faletalimalo tele i Turkey
A itiiti mai pe 51 tagata ua manunu’a i se afi na sasao ane i le Grand Kartal Hotel i Istanbul ma ua maliliu ai tagata a itiiti mai pe 76. O le faletalimalo tele lea e 12 fogafale i le itu i Matu o Turkey ua aafia a o feagai ai le atunuu ma […]
AMERIKA: Saini Trump e aveese Amerika mai le WHO
Ua sainia e le Peresetene o Amerika, Donald Trump se poloa’iga e aveesea mai ai le malo tele mai le faalapotopotoga o le Soifua Mālōlōina a le Lalolagi, le World Health Organisation (WHO). Fesiligia e le to’atele pe aisea ua faatino ai e le alii Peresetene lea faai’uga ae poo ā foi ni ona aafiaga. […]
SASAE TUTOTONU: Faamuta atu vesiga i Gaza ae osofa’i e Isaraelu le West Bank
Ua fasiotia e le militeli a Isaraelu tagata Palesitina, a itiiti mai pe to’a 10 e aofia ai ma se tamaitiiti i le faaitu o West Bank a o folafola ai e le Palemia le amataga o se operation tele tau militeli i le aai o Jenin. O le faamatalaga mai le Palemia o Isaraelu, […]
Faaauau le tauave e le Palemia ma lana Kapeneta o tofiga i le Pulega Faatonu
O vevesi faalotoifale i le vaega faaupufai o le Faatuatua i le Atua Samoa ua Tasi, ma aafia ai ma upufai o malo, ua taoto nei i lagotonu ia faafatiatama’i ina ua faaauau pea le ta’ita’iga o le Malo e le tamaitai Palemia ma lana Kapeneta, e mafua ina ua saunoa le Fofoga Fetalai i […]
Fua le mae’a o le 5 tausaga o le paeaiga faapalemene lona 17, i le lagolagoina o tulafono ma fuafuaga tau tupe a le Malo
Ua manino i le saunoaga faaminisita a le Palemia i le Palemene i le Aso Lua, ua nofo sauni e faatino malosiaga o le tulafono faavae e faata’ape ai le Palemene ae toe faia se isi palota tele, pe afai ae lē faatuatuaina le malo. E faasino le finagalo o le tamaitai Palemia i nisi […]
Lagolago Laauli i le lafo faatū a le Palemia, ioe uma le Palemene e faamagalo le sui Faipule o Safata 1
Ua leai se faasalaga e faia e le Palemene i le sui faipule o Safata 1, le afioga Lea’ana Ronnie Posini, ina ua lagolago e le Palemene le lafo na faatū e le Palemia ina ia faamagalo le faipule ae aua ne’i faia iai se faasalaga, e pei ona sa fautuaina i le lipoti a […]
Faatino faaaloaloga faaleaganuu a Palauli le Falefa i le faaeaea a le Palemene i le afioga i le Le La’ulu ua avea ma Sui o le Fono a Suii Tofia
O paia i aiga ma le mamalu o le itumalo o Palauli le Falefa i le motu tele i Salafai na masii mai i Tumua i le Aso Lua o le vaiaso nei, e faatino le momoli e ala i faaaloaloga faaleaganuu e faafetaia ai le Palemene o Samoa i le faaeaea ua tofia ai […]
Faaopoopo le taimi e faaali ai finagalo i isi pili e lua; faaletonu le upega tafa’ilagi a le Palemene
Ua toe maua le isi avanoa e faaumiumi ai ona tatala le avanoa mo finagalo faaalia i isi pili e lua. O se faaletonu le upega tafa’ilagi a le Palemene i taimi na tatala ai le avanoa mo le pili a le Treaty Principles Bill ma ona o lea, na toe maua ai le avanoa […]
Popolega i le ono vāea o le aufaigaluega; fono le Newstalk ZB ma le NZ Herald
O le taeao nei lea ua valaau ai le fono a le aufaigaluega a le NZ Herald ma le Newstalk ZB, ma ua iai le popolega i le ono vāea o le aufaigaluega. O le imeli na maua e le aufaigaluega o loo ta’ua ai o le ‘afa o le 9 i le taeao nei […]
Te’a i tua mai le falema’i le pepe 5 masina na āfaina lona ulu ona o manu’aga tugā
Ua toe te’a i tua ma le falema’i le pepe 5 masina lea na tili i le falema’i i Northland ona o manu’aga tugā i lona ulu. O le masina talu ai na ave ai le pepe lenei i le falema’i i Dargaville, ma o lea na ave e le helikopa i le falema’i i […]
To’atele ua asia le Cathedral Cove talu ona toe tatala
E faitau selau e asia le ana i Cathedral Cove talu ona toe tatala le auala savali. Talu mai le afā o Gabrielle ma mauga solo i le va o le 2022 ma le 2023 na tapunia ai le auala savali i le ana lauiloa lenei, o le faai’uga o le tausaga talu ai faato’ā […]
To’aono tagata manunu’a ona o le faalavelave tau taavale i Southland
E to’aono tagata manunu’a ananafi ona o le faalavelave tau taavale na tula’i mai i luga o le State Highway 6 i Southland. I se lipoti mai leoleo, mai lea aofai e to’alua o loo tigaina, ma o le isi to’atolu na ave i le falema’i i Kew a o le isi to’atolu na ave […]
Sauni ta’ita’i o Ausetalia e galulue faatasi ma le Peresetene fou o Amerika
Ua saunoa Penny Wong le minisita o le va i fafo a Ausetalia ua nofo sauni e galulue faatasi ma le peresetene o Amerika, Donald Trump i le mae’a o lona auai atu i le faatautoga o le alii Peresetene. Faailoa le lagolago o Wong faatasi ma isi ta’ita’i o le lalolagi na auai ai […]