I le 58 o le numera o gasegase o le Koviti-19 sa faamauina e le soifua maloloina i le vaiaso ua mavae, o lea ua faaitiitia le aofaiga o i latou o loo maua i suega poo test ua aafia i āuga o le faama’i koviti, lea e pei ona faailoa mai i faamaumauga o le fitu aso ua tuanai e 20 gasegase o le koviti sa faamauina ai.
O le aofaiga lea sa faamauina mai le aso 18 i le aso 24 o Tesema o le tausaga ua alu atu nei.
O lona uiga o le a iloa se isi suiga i le numera o tagata ua aafia i le isi lipoti a le soifua maloloina o loo tālia mo le aso 25 i le aso 31 o le masina faaiu o le tausaga 2023.
O fautuaga o puipuiga o loo tuuina atu pea i le atunuu ma le tuualalo a le matagaluega, ia fai tui faaopoopo o puipuiga o le faama’i koviti, poo le faia foi o tuipuipui mo tagata e lei faia se tuipuipui.
