E nonofo ‘aitaumalele i fafo ae lē mafai ona galo a’oga i Samoa sa faafailele ai le olaga aoaoina.
O le autu lava lea e mafua ai ona saili seleni faalapotopotoga a tama ma teine tuai o ni kolisi maualuluga i Samoa, i latou o aumau ma faamautu i atunuu i fafo ona o le naunau e fai se sao mo le siitia o le aoaoina o fanau a le atunuu.
O le autu lea o se sailiga seleni a le asosi a tama ma teine tuai o le Malisi i Aukilani na maua ai le latou tupe e 20 afe ua tauaao atu i le Peresetene o le Malisi i Samoa, i le faamoemoe e faaleleia ai soo se auaunaga mo le aoaoina o fanau a le Malisi i Mulivai ae faapea le Kolisi o Sagato Iosefo i Alafua.
Se faatalanoaga ma le Peresetene o le asosi a tama ma teine tuai o le Malisi o loo alala ma faamautu i Aukilani Niu Sila, le afioga Lemalu Semo Sititi.
