Ua ofoina atu e Ausetalia le fesoasoani tau tupe e $2 miliona mo Vietnam i le mae’a o le typhoon na aafia ai.
Ua lipotia toeitiiti 200 ua maliliu i lea atunuu i le mae’a o lea faalavelave faalenatura o Typhoon Yagi ma e 128 tagata o loo tau sailia.
I le faaitu o Hanoi ua faailoa ua aafia i lologa ma ua faaaogā e nisi tagata vaa laiti e feoa’i ai, tele pisinisi ua aafia ma o se aafiaga aupito ogaoga lea ua vaaia i totonu o le 20 tausaga.
Na faamaonia mai e le Ofisa o le Va i Fafo a Ausetalia, e 2 miliona lea ua tuuina atu mo le fesoasoani i le sapalai o mea o loo mana’omia vave i le taimi nei ma isi auaunaga o loo mana’omia.
Ua tuuina atu foi ma se vaalele a le Royal Australian Air Force e fesoasoani i le fela’ua’ina o mea e pei o fale’ie ma oloa tau le soifua mālōlōina.
Puna o Faamatalaga: https://www.9news.com.au/world/vietnam-floods-typhoon-yagi-death-toll-climbs-amid-flash-floods-and-landslides/47b487c7-d456-4d4b-9d97-5e113dc2a378
