E 17 ua ave e leoleo Tonga fesoota’i ma fualaau faasāina, ma e faapea o loo iai ma sui o kegi e iai sootaga i Niu Sila.
O le aofai lea o i latou na saisai mai e leoleo Tonga i le vaiaso talu ai, ma e faapea e fesoota’i uma i latou nei ma o loo iai ma sui o le Comancheros.
O se faamaoniga mai le Komesina o leoleo i Tonga, o loo manino le taumafai o le Comancheros e faalautele atu fefaatauaiga o fualaau faasāina i Tonga.
O lea na maua mai ai ma se tasi o sui sinia o le kegi ma lipotia o ia lea o Eneasi Taumoefolau ua silia ma le tausaga o nofo i faletalimalo anagata i Nukualofa.
Na saisai mai ai foi ma se tasi o tamā faipisinisi faapea tagata faigaluega o le malo ma o loo molimau o lea e toatele tagata maualuluga o loo aafia atu ai.
O suesuega faifaatasi nei a leoleo mai soo se vaega o le lalolagi lea e iai i totonu Niu Sila, Ausetalia, Fiti, Samoa ma le malo tele o Amerika.
Puna o Faamatalaga: Exclusive: 17 arrested over alleged importation, sale of meth in Tonga (1news.co.nz)
