E 15 motorways fou ua manatu le Malo e fau i totonu o Niu Sila, ma le tala e fesoasoani lea i le poloka o femalagaa’iga.
O motorways uma foi nei e faapea e 4 lanes, e vavae ese mai ai isi taavale ma e auauai lona fausiaina.
O le aso ananafi na tuuina mai ai le faasilasilaga e tusa ai ma polokalame o loo ta’ua ai nei fuafuaga.
Ta’ua i lipoti o ia motorways ua manatu iai le malo e fausia e mai le va o Aukilani ma Whangarei, 2 i le va o Tauranga ma Aukilani, 2 i totonu lava ia o Aukilani, 3 i Hamilton, Petone i Grenada faapea le agai i Matu e faaaogā ai le State Highway 16 o loo iai nei, ma le isi 5 i le agai i Saute o le atunuu.
E silia ma le $20 piliona le faatupeina o le galuega ma o loo vaavaai le malo e sii lafoga totogi o suauu ma penisini mai le 2027 faapea Motor Vehicle Licensing Fee o le a faaopoopo iai le isi $50, mai le amataga o le 2026.
O ni fuafuaga ua upuia ai e Itu Agai le malo, aemaise lava i le siitaga o le a faaopoopo ai le $50 i le tau o lesitala o taavale ae o lea e taugata le soifuaga.
Manatu o ia polokalame ma fuafuaga o loo sau ai ma le faigafaavale a le malo i itu tau femalagaa’iga, lea ua tatala mai i tua mo faatalanoaga e tapunia i le aso lua o Aperila.
