E 140 afe tala Samoa na totogi ai e konekarate o le LJ ma le SUCON le malaga togipau a le vaalele tele 737-800 a le kamupani vaalele o le Fiji Airways, mo le tapenaga na tatala ai le galuega o le nofoaga fou e faaee ma faatali ai pasese a vaalele laiti i le malaevaalele i Faleolo.
O lea galuega na tatala ma umusa i le Aso Tofi ua mavae ma o le tasi o ia konekarate na fausia le galuega ae o le isi na tusia le ata.
O le malaga togipau e leai ni pasese na malaga mai ai, ma sa maua le avanoa e fesiligia ai le Minisita o Valele Sivili sa feagai ma lea galuega ma tāpā ai sona finagalo ona o loo iai se lipoti o loo atagia ai o le malo na totogia lea malaga togipau sa na o le pailate ma le auvaa ae leai se pasese.
Le Minisita o Galuega Tetele ma Fela’ua’iga faapea vaalele sivili, le tofa Olo Afoa Fiti Vaai.
