E silia ma le 12 miliona se faasalaga ua tuuina i le Optus ina ua lē mafai e le faitau afe o ana paaga ona valaau i le triple zero i le taimi na motusia ai le auaunaga a le kamupani i le tausaga na te’a nei.
Ua faailoa e le ABC e silia ma le 2,100 paaga a le Optus sa le’i mafai ona viliina le triple 0 i le taimi lea o le faaletonu na tupu ia Novema 2023.
Sa to’atele foi tagata na lē mafai ai ona koneti i le faaogāina le initaneti ma lē ola telefoni.
O su’esu’ega na faatino e le ACMA, le Australian Communications and Media Authority ma iloa ai lea faaletonu ma e le’i faia ni siaki a le kamupani ia i latou sa taumafai e valaau mo se fesoasoani i le taimi na tupu ai le faaletonu.
O se komiti na faatinoina foi sa’iliga i le mataupu lea na o latou faailoa e le’i mafai ona tuuina ane e le Optus fesoota’iga faamaoni i le taimi o lea faaletonu.
E lē o ta’ua se tali a le Optus i lea faai’uga, mo le taimi nei.
Puna o Faamatalaga: https://www.abc.net.au/news/2024-11-08/optus-pays-12-million-fine-for-triple-zero-outage/104575886
