E ta ane le itula e 8 anapo ua faamauina aloa’ia e 11 tagata maliliu i Niu Sila i taimi o mālōlōga o le Kerisimasi ma le Tausaga Fou.

O le piriota lenei na amata faitau mai le aso 24 o Tesema se’ia faamuta i le ta o le 6 i le taeao nei.

A faatusa faamaumauga o lenei tausaga i le Kerisimasi o le tausaga 2023 se’ia aulia mai le amataga o le 2024 lea na maliliu ai le 22 tagata, o se maualalo tele.

Ae i le aotelega o tagata maliliu i luga o le aualatele ona o faalavelave tau taavale i totonu o Niu Sila, o lea na faamauina ai e 289 tagata maliliu i le tausaga talu ai, pau mai ai mai le 341 na iai i le 2023 e tusa ma lipoti mai leoleo.

Fai mai ai ma le ofisa e ui i le pa’ū o le fuainumera o tagata maliliu ona o faalavelave nei, ae lē suia ai o lea lava e maualuga.

Puna o Faamatalaga: With the holiday period drawing to a close, the road toll stands at 11 | Stuff