E tusa ma le 31 kilokalama le mamafa o methamphetamine na maua i totonu o le atopa’u a le pasese na taunuu mai Amerika.
O le faai’uga o le vaiaso i le malaevaalele i Aukilani lea na maua ai le tamaitai 24 tausaga, ma mai le vaega o tiute o le faigamalaga na sau mai San Francisco.
O lea na vacuum sealed i totonu o pepa iila ma afifi i solo susū, ma o se faatusatusaga o tau o fuālaau faasāina nei e tusa ma le $11 miliona.
Fai mai ai le sui o le pulega a le vaega o tiute i le malaevaalele i Aukilani, Paul Williams, o se afifi tele lenei na sau ma se pasese e taumafai e ulufale mai i totonu o le atunuu.
Ua taofia nei e leoleo lē ua molia, talia le isi aso e toe tu ai i luma o le faamasinoga i le masina fou.
Puna o Faamatalaga: Auckland Airport seizure: Meth worth $11m found in US woman’s suitcase | RNZ News
