Ua faamaonia e le Kapeneta i lana fono talu ai nei mo lenei masina faaiu o le tausaga, le sefulutasi o gasegase o le a totogi e le malo o latou togafitiga i Niu Sila.
O gasegase nei ua lē mafai ona togafiti i lo tatou atunuu o latou gasegase, ae ua faaalia e le Malo o le naunautaiga ia mafai ona faatino i Samoa togafitiga ma o se fuafuaga alualu mamao o loo silasila iai le Malo i le faatinoga o ana galuega fai i le lumanai.
O le polokalame lenei talu ona amata i le tele o tausaga ua tuanai, ua toatele tagata o le tatou atunuu ua manuia ai ma ua toe faafoisia le malosi.
