Ua oo atu foi i le 100 miliona le faailoga muamua o le Powerball mo le vaiaso fou ina ua leai se tasi e faamanuiaina i le se’i i le po anapo.
O le Aso Tofi o le vaiaso fou le se’i lea ma o le faailoga aupito tele lona tolu lea ua faamauina i Ausetalia i lenei tausaga.
E lei malo se tasi i le faailoga muamua o le se’i i le po anapo ae to’a 6 na faamanuiaina i le faailoga lona lua na maua le ta’i $149,108 a le tagata.
Fai mai le ofisa o le taaloga e lē taumate o le a tumutumu foi o latou ofisa i le aga’i atu i le vaiaso fou mo le finauina o se manumalo i le 100 miliona e pei ona folasia.
Puna o Faamatalaga: https://www.9news.com.au/national/powerball-100-million-jackpot-next-week-thursday-august-21-prize/747113c0-d307-4be7-80e2-f564b904174b
