Ua faamatuu ane e le Malo se vaegatupe e $1miliona tala Niu Sila mo taitai e iai manaoga tumau ina ia faaauau ai pea suiga i le auaunaga i lea foi vaega.
O lea faaputugatupe o le a fesoasoani e faaaupegaina ai le vaega o taitai o loo fia faafofogaina leo ma faia suiga lelei i o latou komiuniti.
O le minisita e feagai ma le matata lea o Priyanca Radhakrishnan na ia ta’ua o le fesoasoani faaopoopo lenei o le faalauteleina o le model faataitai mo le faaleleia atili o le auaunaga aemaise i nofoaga o le a faataitai ai lenei faiga fou pei ona iai nofoaga i Waikato, Midcentral ma Kalaiesetete.
Saunoa le minisita o le iai o kulupu faataitai faapea i komiuniti o le a faamautuina ai o tagata e iai manaoga tumau ma o latou aiga, e mafai ona latou faatino tulaga faataitai, leadership ma o le a tele foi ni vaega e filifili mai ai e ala i auaunaga ma lagolagsua o loo avanoa atu mo latou.
